Бүгүн, 27-августтун кечинде “Ата-Мекен” партиясынын тизмесинде талапкер катары шайлоого бараткан күнөсканачы Тилек Токтагазиев БШКнын алдына келип, Бишкектин Административдик сотунун “Кыргызстан” партиясы боюнча чечимине каршы мөөнөтсүз митинг баштаганын жарыялады.
Эсиңиздерге сала кетсек, 24-августта “Кыргызстан” партиясы шайлоого карата документтерин БШКга кечки саат 18:03дө алып келди деп чыр чыккан. Андан сырткары документтерди партиянын БШКдан каттоодон өткөн расмий өкүлү эмес, жат киши алып келип тапшырган.
25-августта БШК “Кыргызстан” саясый партиясынын документтерин артка кайтарып берүү боюнча чечим кабыл алган.
Ошол эле күнү “Кыргызстан” саясый партиясы БШКнын чечимин жокко чыгаруу боюнча арыз менен сотко кайрылган.
27-августта Бишкектин Административдик соту “Кыргызстан” саясый партиясынын арызын карап, БШКнын “Кыргызстан” партиясы документтерин кеч жана талапка ылайык тапшырбагандыгы үчүн шайлоодон четтеттүү жөнүндөгү чечимин жокко чыгарды.
Булак: KyrgyzToday.kg
КОММЕНТАРИЙ КАЛТЫРУУ