Түркмөнстандын президенти Гурбангулы Бердымухамедов өлкөнүн Эгемендик күнүнө карата камактагы 800дөн ашык адамга ырайым берди. Мамлекет башчы тиешелүү жарлыкка кечээ, 24-сентябрда кол койду.
Ага ылайык, 815 киши эркиндикке чыгып, белгилүү бир аймакта жашоо сыяктуу кошумча жазаларынан бошотулат. Мунапыска илингендердин арасында үч чет өлкөлүк жаран бар.
Түркмөнстанда президент түрдүү майрамдарга карата абактагы адамдарга ырайым берип келет. Акыркы жолу Бердымухамедов Кадыр түндүн алдында 1 400 кишиге мунапыс жарыялаган.
Бирок саясий жана диний негиздер менен камалган жүздөгөн адам президенттин мунапыстары менен эркиндикке чыга элек.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ