Бүгүн, 14-октябрда Өкмөт үйүнүн алдына Садыр Жапаровдун тарапташтары чогулуп жатышат. Азыркы убакта 100дөн ашык адам топтолуп турат.
Митингчилер Кыргызстандын ар кайсы аймактарынан келишкен. Алар президент Сооронбай Жээнбековдун кызматтан кетишин жана Канат Исаевдин төрага болуп дайындалганын жокко чыгарууну талап кылышууда. Ошондой эле алар өз лидерин премьер-министр кылып дайындоо процедурасын тездетүүнү суранышат.
“Ала-Арча” мамлекеттик резиденциясында Жогорку Кеңештин депутаттары кезектеги жыйынга чогулду. Күн тартибинде Өкмөттүн курамын, түзүмүн жана программасын бекитүү маселеси каралат.
Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.
КОММЕНТАРИЙ КАЛТЫРУУ