Өзбекстандын чыгышында мейманканадагы француз желегин айрып кетишти

Бул тууралуу намангандык активисттердин бири “Фейсбуктагы” баракчасына жазып, сүрөт тиркеди. Бир нече сааттан кийин ал айрылган желек тууралуу билдирүүсүн өчүрүп таштады.

Наманган облусунун акимчилиги, Өзбекстандын ички жана тышкы иштер министрликтери чет өлкөнүн символикасын мазактоо учуру жөнүндө түшүндүрмө берген жок.

Grand Sherdor мейманканасы “желек алмаштырылганын” гана айтып, башка маалымат берген жок.

Туристтик сүрөттөрдөн мейманкананын алдында Өзбекстан, Түштүк Корея, Түркия, АКШ, Улуу Британия, Орусия жана Франциянын желектери илинип турганын көрүүгө болот.

16-октябрда Париждин жака-белинде 47 жаштагы тарых жана география мугалими Самюэл Пати өлтүрүлгөн. Француз бийлиги аны Абдулла аттуу 18 жаштагы чечен качкын өлтүргөнүн билдирген. Андан бир нече күн мурда мугалим сабакта сөз эркиндиги туралуу кеп кылып, класстагы окуучуларга Charlie Hebdo журналы жасаган Мухаммед пайгамбардын карикатурасын көрсөткөн.

Буга байланыштуу Франциянын президенти Эммануэль Макрон өлкө дүйнөбий мамлекеттин баалуулуктарын коргоону жана радикал исламга каршы күрөштү уланта бере турганын билдирген. Бул бир катар өлкөлөрдө, өзгөчө Түркияда антифранцуздук маанайды жараткан.

Булак: “Борбор Азия жаңылыктар кызматы”