Бүгүн, 3-ноябрда президенттин м.а., премьер-министр Садыр Жапаров Ош шаарынын тургундары менен жолугушуу өткөрүүдө. Жаштардын өкүлдөрүнүн бири Жапаровго өлкөдөгү жаштардын ролу жөнүндө суроо берди.
“Жаштар үчүн кадрдык өсүү жаатында кандай максаттарыңыз бар? Ош шаарында жана бир нече аймактарда жаштар комитеттери бар, бирок алар аз. Бул жаштардын бири-бири менен баарлашуусун жана тажрыйбалары менен бөлүшүүнү кыйындатат. Мен сизден жаштар агенттигин, же министрликти, же региондор аралык жаштар комитетин түзүүнү суранат элем ”, – деди активист.
“Кийинки жылдын март-апрель айларына пландаштырылган жаңы тутумду түзгөндө, жаштардын өкүлдөрү кошула алышат – каалагандардын бардыгы. Чет өлкөлөрдө компанияларды жетектеген жаш кыргызстандыктар бар, ошондой эле прогрессивдүү адамдар көп. Мен аларды Кыргызстанга чакырдым, окуялар жакындаганда биз чет жактагы жаштарга билдиребиз. Бардыгын жаңы Конституция боюнча жасайбыз, коррупция болбойт, эч ким орун сатып албайт же үй-бүлөлүк байланыш аркылуу келбейт. Жаштар комитетине келсек, бул жергиликтүү кеңештердин иши, мен аларга бул ишти тапшырам ”, – деп жооп берди Садыр Жапаров.
КОММЕНТАРИЙ КАЛТЫРУУ