“Социал-демократ” партиясынын мүчөлөрү Темирлан Султанбеков менен мурунку президент Алмазбек Атамбаевдин кичүү уулу Кадырбек Атамбаев чогуу китеп жазышты. Бул тууралуу Султанбеков Фейсбук социалдык тармактарда жарыялады.
Анын айтымында, китепте Түндүк-Чыгыш Азия өлкөлөрүнүн реформалары сүрөттөлөт.
“Досум Кадыр Атамбаев экөөбүз биргеликте китеп жаздык, аны басып чыгарууга даярдап жатабыз. Китеп 350 беттен ашык болот. Анда Түндүк-Чыгыш Азия өлкөлөрүндө жүргүзүлгөн реформалардын жетишкендиктери жана ийгиликтери баяндалат. Биринчи кезекте, экономика, саясат, коом жана ушул чөйрөлөрдөгү ар кандай аспектилер жөнүндө сөз болот. Китептеги тыянактар алдыдагы парламенттик шайлоодо биздин партиянын программасы боло алат.
Кадыр Атамбаев – мамлекет башчысынын үй-бүлө мүчөсү кандай болушу керектигинин жаркын мисалы. Ал эч качан саясатка же бизнеске кийлигишкен эмес, өлкө анын атын КРнын экс-президенти камакка алынгандан кийин гана уккан. Эң оор күндөр да аны сындырган жок, тескерисинче күчтөндүрдү” – деди Темирлан Султанбеков.
https://www.facebook.com/100010107630045/posts/1336400323373543/?d=n
КОММЕНТАРИЙ КАЛТЫРУУ