Индиянын Карнатака штатындагы Шимога шаарындагы төрөт үйүнүн дарыгерлери чарчап калган ымыркайды шалаакылыктан улам өзүнүн энесине эмес, башка энеге берип коюшкан. Бул тууралуу “7 News” басылмасы билдирет.
Маалыматка ылайык, 2-ноябрда ооруканада эки аял балалуу болушкан. Сума Гопал кыз төрөгөн, ал эми Сума Анджанаппа эркек бала төрөгөн. Эки наристе тең эрте төрөлгөндүктөн, жандандыруу бөлүмүнө жаткырылган.
5-ноябрь, бейшемби күнү эркек бала чарчап калган. Дарыгерлер баланын өлүмү жөнүндө кыздын ата-энесине жаңылыш билдиришкен. Гопалга ымыркайдын сөөгүн кездемеге ороп беришкен. Бирок ал ымыркайдын жүзүн караган эмес.
7-ноябрь, ишемби күнү кичинекей ымыркай кыздын абалы жакшырып, оорукананын кызматкери Сума Анджанаппанын үй-бүлөсүнө телефон чалып, жаңылыктарды айтып берди. Алар кызматкерлерге ымыркай кыз эмес, эркек бала экендигин айтышкан. Ошол учурда медициналык мекеме катаны түшүнгөн.
Оорукананын кызматкерлери Гопалды чакырып, алардын ымыркайы чындыгында тирүү экендигин айтышты.
Катачылыкка карабастан, дарыгерлерге чара көрүлгөн жок, анткени үй-бүлөнүн сот өндүрүшү үчүн жетиштүү каражаты жок болчу.
«Оорукананын кызматкерлеринин шалаакылыгынан улам акыркы жолу ымыркайдын жүзүн көрө алган жокпуз. Оорукана менен соттошууга биздин мүмкүнчүлүгүбүз жок», – деди Сума Анджанаппанын атасы.
Бирок, оорукананын кызматкерлери тергөө иштери жүрүп жаткандыгын тастыкташты.
“Биз бул иш боюнча тергөө иштерин баштадык” – деди оорукананын башчысы дарыгер Шридхар.
КОММЕНТАРИЙ КАЛТЫРУУ