Menu

Вице-премьер-министр Эльвира Сурабалдиева: Жашы жете элек балдарды зордуктоо фактылары мыйзамга ылайык, катаал жазаланышы тийиш

Бөлүшүү:

КРнын вице-премьер-министри Эльвира Сурабалдиева Ысык-Көл облусуна болгон жумушчу сапарынын жүрүшүндө зомбулуктан жабыркаган 14 жашар кыздын энеси менен жолугушту. Бул тууралуу бүгүн, 19-декабрда өкмөттүн басма сөз кызматы билдирет.

«Акыркы соттук чечимдер чыгарылган учурдан бери аталган чечимди жеке көзөмөлүмө алдым. Мамлекеттик жана жергиликтүү бийлик органдарына тийиштүү көмөк жана колдоо көрсөтүү болюнча токтоосуз тапшырмалр берилди.  Жашы жете элек балдарды зордуктоо фактылары мыйзамга ылайык, катаал жазаланышы керек. Коомчулукта мындай окуяларга жол берилбеши керек. Зомбулуктун курмандыктары, өзгөчө балдар, социалдык кызматтардын, ден-соолукту коргоо кызматтарынын жана жергиликтүү бийлик органдарынын өзгөчө көңүл буруусун талап кылат. Бул көйгөй азыр эле пайда боло калган жок. Биз адамдардын аң-сезимин өзгөртүп, аялдарга жана жашы жете электерге карата зомбулукка жол бербөө жана анын алдын алуу ишин алып баруубуз керек. Жеке инсанга, ынсапка жана баланын бактылуу балалыкка жана бакубат келечегине карай укугуна каршы келген мындай кылмыштар мамлекеттин көңүлүнөн тыш калбашы керек», – деп билдирди Кыргыз Республикасынын вице-премьер-министри Эльвира Сурабалдиева.

Ал тармактык түзүмдөрдүн аялдарга жана жашы жете элек балдарга карата зомбулук фактыларынын алдын алуу боюнча сапаттуу иши зарыл экендигин белгиледи.

«Биз алдын-ала иш алып барышыбыз керек. Тармактык мамлекеттик органдар, жергиликтүү бийлик органдары натыйжалуу өз-ара аракеттешип, бул сыяктуу окуялардын алдын алуу боюнча ырааттуу иш жүргүзүшү зарыл. Биз ар бир жаран өзүн коопсуз сезе турган тутумду орнотушубуз керек», – деди вице-премьер-министр.

Кеңешменин жыйынтыгы боюнча жергиликтүү бийлик органдарына жана тармактык мамлекеттик органдарга бир катар тапшырмалар берилди.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 28 − 18 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: