Видео – Жалгыз жашаган 85 жаштагы апа Садыр Жапаровго кайрылып жалгыз уулун абактан бошотуп беришин суранды

Президенттикке талапкер Садыр Жапаров аймактарды кыдырып, эл менен жолугушууларды улантууда. Ал Ысык-Көл облусунун Балыкчы шаарынын тургундары менен жолугушту. Анда Садыр Жапаровго 85 жаштагы апа кайрылды.

Анын айтымында, ал жалгыз жашайт. Жалгыз уулу болсо камакта жатат.

“Садыр Жапаров менин жалгыз балам бар эле. Бир жарым жылдан бери камакта отурат. Мен кокус каза болуп калсам, мени көмөөр киши жок. Ушул баламды бошотуп беришиңди суранам”, – деди 85 жаштагы апа.

Бул учурда Садыр Жапаров эмне маселе менен камалганын сурады.

85 жаштагы апанын айтымында, баласы мушташтын айынан камалып кеткен. Андан башка күнөөсү жок.