«Лазги» бийи
Байыркы «Лазги» бийи тууралуу китептин автору, окумуштуу, бийчи жана Өзбекстандын эл артисти Гавхар Матякубова америкалык студенттерге хореография боюнча онлайн-сабактарды өтүүдө.
74 жаштагы бийчинин айтымында, ага АКШдагы жана Жапониядагы искусство сүйүүчү студенттер кайрылып, «Лазги» бийин үйрөтүүнү өтүнүшкөн.
– Аларга бир нече айдан бери бий сабактарын өтүп жатам. Айткандарымды окуучуларым англис тилине которуп берип турушат, — деди ал.
Гавхар Матякубова 1967-жылы «Комилжон Отаниёзов ырдайт» аттуу тасмада «Лазги» бийлеп, бир күндө эле Борбор Азиянын жылдыз бийчисине айланган. Ал бийдин бул түрү тууралуу илимий макала жазып, илимий даражага ээ болгон Өзбекстандагы жалгыз бийчи.
2020-жылы мартта Өзбекстандын президенти Шавкат Мирзиёев Хорезмде «Лазги» академиясын ачууну жана эки жылда бир жолу Хива шаарында «Лазги» бийинин эл аралык фестивалын өткөрүп турууну сунуштаган.
Исламга чейинки доордо Хорезмде пайда болгон байыркы «Лазги» бийи ЮНЕСКОнун адамзаттын материалдык эмес маданий мурастарынын тизмесине кирген.
https://rus.ozodlik.org/a/31086734.html
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ