Өзбекстандын Ички иштер минстрлиги «Фейсбук» социалдык түйүнүндө президент Шавкат Мирзиёевдин фейк аккаунтун ачып, жарандардан алдап акча алып жүргөн киши кармалганын билдирди. Ал Чирчик шаарынын 39 жаштагы тургуну экени белгилүү болду.
Маалыматка караганда, бул профиль аркылуу ал жарандар менен сүйлөшүп, өзүн Өзбекстандын президенттик администрациясынын жетекчиси катары тааныштырып, колдонуучуларга ар кыл маселелер, анын ичинде турак жай жана насыя бөлүп берүү боюнча жардамын суруштаган. Бул үчүн ал 4 доллардан 150 долларга чейин акча которууну талап кылып турган.
Укук коргоо органдары «Алдамчылык» беренеси боюнча кылмыш ишин козгоду, тергөө амалдары жүрүүдө. Бул кылмыш үчүн он жылга чейин эркинен ажыратуу жазасы каралган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ