Баткенде баасы 132 миң сомдук адамды арыктатуучу чайды Өзбекстанга мыйзамсыз алып чыгып бараткандар кармалды

«Оперативдүү» бажысынын кызматкерлери КР УКМК Чек ара кызматынын кызматкерлери менен биргеликте Баткен облусунун Кадамжай районунун Жаңы-Жер аймагында Кыргыз Республикасындагы ЕАЭБ аймагында Өзбекстан Республикасы менен мамлекеттик чек арасына жакын жерде, КР жараны «А.А.А.» айдап бара жаткан «Hyundai Avante» үлгүсүндөгү унааны токтотушкан.
Унааны текшерип кароодо Кытайда жасалган кандагы кантты жана салмакты түшүрүүчү чай жана КЭР жаранынын наамына таандык документтер табылган. «А.А.А.» аттуу жаран бажы көзөмөлүнөн тышкары КР ЕАЭБ аймагынан Өзбекстан Республикасына жүктөрдү мыйзамсыз алып чыгууга аракет кылган.
«Эксперт-Түштүк» эксперттик уюмунун корутундусуна ылайык, товардын жалпы баасы 132 миң 112 сомду түздү.
Аталган унаа кармалып, жагдайлар такталганга чейин унаа Ош шаардык терминалынын аймагына жеткирилген. Бул факты КБР АДС МКЖга катталып, чогултулган материалдар процессуалдык чечим кабыл алуу үчүн Ош облусунун прокуратурасына өткөрүлүп берилген.