Кыргыз Республикасынын Ж.к.А. аттуу жаранын унаа сүзүп кетип, алган жаракатынан улам комага түшүп, жардамга муктаж болуп тургандыгы тууралуу маалымат социалдык тармактарда тарап жатат. Буга байланыштуу төмөнкүлөрдү билдиребиз.
Учурда Ж.к.А., оор жаракат алган жол кырсыгы фактысы боюнча Россия Федерациясынын укук коргоо органдары тарабынан тиешелүү текшерүү иштери жүргүзүлүүдө.
Жабыр тарткан жаран Подольск областтык клиникалык ооруканасынын реанимация бөлүмүндө жатат, абалы оор деп бааланууда. Жабырлануучунун жалпы абалы турукташкандан кийин адистештирилген медициналык жардам алуу үчүн башка медициналык мекемеге которуу маселеси каралат.
Бул маселе Кыргыз Республикасынын Россия Федерациясындагы Элчилигинин көзөмөлүндө. Дипломатиялык өкүлчүлүктүн жооптуу кызматкерлери жабырлануучунун жакын туугандары жана алардын өкүлү менен өз ара байланышта.
Теги: Автожол кырсыктары
КОММЕНТАРИЙ КАЛТЫРУУ