Menu

Түрк мамлекеттер уюмуна төрагалык кылуу Өзбекстанга өтөт

Бөлүшүү:

Түрк мамлекеттер уюмунун 10-11-ноябрь күндөрү Самарканд шаарында өтө турган саммитинде уюмга төрагалык кылуу Өзбекстанга өтөт. Бул тууралуу 9-ноябрда өлкөнүн Тышкы иштер министрлигинин Аймактык уюмдар менен кызматташуу бөлүмүнүн башчысы Рахматилла Нуримбетов билдирди.

Анын айтымында, саммиттин күн тартибине соода мамилелерин өнүктүрүү, бажы тейлөөсүнө байланышкан процесстерди жеңилдетүү жана кошумча транспорттук коридорлорду уюштуруу маселелери кирди. Саммиттин соңунда жыйынтыктоочу документ катары Самарканд декларациясы кабыл алынат.

Сентябрдын аягында Түркиянын тышкы иштер министри Мавлуд Чавушоглу Түркмөнстан Түрк мамлекеттеринин уюмуна толук кандуу мүчө болуп кирерин билдирген. Бирок ал бул маселе уюмдун Самарканддагы саммитинин күн тартибине кирер-кирбесин айткан эмес.

Түрк мамлекеттеринин уюму 2009-жылы октябрда Түрк тилдүү мамлекеттердин кызматташтык кеңеши (Түрк кеңеши) катары түзүлүп, курамына Азербайжан, Казакстан, Кыргызстан жана Түркия кирген.

Өзбекстан уюмга кирүү ниетин 2018-жылы билдирип, 2019-жылы Баку шаарында өткөн саммитте кабыл алынган.

2021-жылы ноябрда Стамбулда өткөн саммитте Түрк кеңешинин аталышы Түрк мамлекеттеринин уюму деп өзгөртүлгөн.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

17 + = 25

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: