ВИДЕО

Бүгүн, 20-июнда жаңы, 28-майда шайланган Жалал-Абад шаардык кеңешинин 8-чакырылышы өз ишин баштады. Кызыгы башкаруучу коалицияны 1-орунга чыккан “Өнүгүү” фракциясы эмес, 2-орундагы КСДП фракциясы түздү. Көпчүлүк коалицияга КСДП, “Республика”, “Кыргызстан” жана “Мекеним Кыргызстан” фракциялары биригип, Бакыт Төрөбаевдин “Өнүгүү” жана Камчыбек Ташиевдин “Ата Журт” фракциялары коалициянын сыртында калышты. Бул адилетсиздиктер келечектеги чыр-чатактардын пайдубалы болуп берери турган иш. Административдик ресурстарга таянган КСДП фракциясы Жалал-Абадда өз билемдикке салып, өткөн 2016-жылдын декабрында шайланган чакырылышты да иштетпей коюп, тарап кетүүгө аргасыз болушкан эле.

Бүгүнкү биринчи отурумда эле көпчүлүк коалициядагы КСДП фракциясынын өкүлдөрү менен азчылыкта калышкан “Өнүгүү” фракциясынын өкулдөрү шаардын келечек мэрин шайлоо боюнча тымызын тирешүү бар экенин көрсөтүштү. Шаардык кеңештеги конфликттик потенциал улам күчөй турганы айдан-ачык байкалып калды.

Видео: NEXT TV

Бүгүн, 20-июнда Бишкектеги Кыргызстан профсоюздар федерациясынын алдына профсоюз мүчөлөрү “Федерациянын төрагасы, СДПКчы Мирбек Асанакунов кызматынан кетсин!” деген чакырык менен митингге чыгышты.

Митингичилер СДПКчы Мирбек Асанакунов 2010-жылдагы мамлекеттик төңкөрүштөн кийин Ысык-Көл облусуна эки жолу губернатор болуп дайындалып, иштей алган жок. Андан кийин Бишкек Эркин экономикалык аймагына директор болуп бекитилип иштеп кете албады. Аргасы кеткен бийлик аны Кыргызстан профсоюздар федерациясына төрагалыкка тыга салышты дешет.

“Профсоюздар федерациясы бул мамлекеттик ишкана эмес, жогортон дайындап коё турган. Бул коомдук мекеме. Ошондуктан шайлоо менен гана  дайындалыш керек. Ал эми Мирбек Асанакунов Профсоюздар федерациясына жетекчи болуп келери менен өзүнө жакпаган адистерди мыйзамсыз кызматтан кетирип ордуна өзүнүн гана кишилерин дайындай баштады”, – дейт митингдин лидерлеринин бири Тимур Саралаев.

“Мирбек Асанакунов курорт-санаторийлердин директорлорунун кызмат ордун 25-50 миң доллардан сатып жатат”, – дейт Роза аттуу митингдин катышуучусу.

Видео: Сентябрь ТВ

“Замике, кел, сени сагындым” деп ыйлаган апанын уулу Орусиядан табылды. Бул тууралуу ИИМдин РФтеги өкүлү Аскат Алиев билдирди.

“Дайынсыз жоголгон мекендешибиз Атамкулов Замирбек байланышка чыгып, аман-эсен экендигин билдирип, заарыгып жол карап олтурган апасы менен телефон аркылуу сүйлөшүп, жакынкы күндөрү мекенине кайтып келээрин билдирди. Замир биз менен дагы байланышып, азыркы күндө Россияда иштеп жүргөндүгүнн , жайдын аягына чейин үйүнө барарын айтты. Апасынын ооруган бутун даарылатам дейт. Апалар эч качан ыйлабасын, балдарынын жакшылыгын гана көрүшсүн деп жараткандан тилейли!” – деп жазды Аскат Алиев “Фейсбуктагы” баракчасына.

Уулун издеген апанын видеосу жакын да эле интернетке тараган. Буга чейин анын бир “уулу” үн катып, көз жашын төккөн жигиттин видеосу жарыяланган эле. Бирок ал жалганчы экенин интернет колдонуучулар дароо жазышкан.

Булак: “yntymak.kg“

Соцтүйүндүн колдонуучулары тарабынан айыл өкмөттүн депутаттары менен айыл өкмөттүн орун басары менен араздашкан видео соцтүйүндүн колдонуучулары тарабынан интернетке жарыяланды.

Араздашкан окуя тагыраагы Ош обласунун, Кара-Суу районуна караштуу Төлөйкан айыл өкмөтүтүн депутаттардын сессиясы учурунда болгон.

“Айылдык кеңештин спикери Айыл өкмөттүн ишин канаттандырбаган маселени койгондо, Айыл өкмөттүн орун басары Улугбек Кадыров жана анын тарапташ депутаттары спикерди сабашкан”,-деп билдирди соцтүйүндүн колдонуучусу.

https://www.facebook.com/100018180279779/videos/104615140154495/

Булак: “5news.kg“

Жогорку Кеңештин мурдагы спикери, президенттикке талапкер болору айтылган Акматбек Келдибеков мамлекет башчылыкка ат салышуу аракетин уланта берерин билдирди. Буга чейин Жогорку Сот маалымат таратып, Акматбек Келдибековдун соттуулугу 8-ноябрда гана алынарын кабарлаган. Жаралган кырдаал боюнча Акматбек Келдибеков “Азаттыкка” маек курду.

Булак: “Азаттык“

КТК телеканалынын маалыматына караганда “КазСтройСтекло” заводунун негиздөөчүсүн опузалоо жана кылмыш иштерин уюштуруу боюнча айыпташууда.

КТК каналынын Токмадини кармоо тууралуу тарткан сюжети:

Видеодо байкалгандай, Муратхан Токмади мындай нерсени күткөн эмес, ошондуктан ал өзүн колго алалбай турду.  Полиция ага укуктарын окуп берген соң, белгилүү бизнесмендин башына мүшөк кийгизип үйүнөн алып кетишти.

КТКнын маалыматына таянсак, атайын кызматтар Токмадинин ишине мурдатан көз салып жүрүшкөн. Ал “Депутатский корпус” деп аталган уюшулган кылмыштуу топтун лидери катары укук коргоо органдарынын тизмесинде болчу.

Муратхан Токмадини 12-июнь күнү эртең менен “Арман Вилла” деген элиталык турак комплексиндеги өз үйүнөн кармашты. Аны менен биргеликте Токмади ээлик кылган “КазСтройСтекло” заводунда тинтүү иштери дагы жүргүзүлдү.