Бишкекке расмий сапар менен Ооганстандын тышкы иштер министри Салахуддин Раббани келет. Бул тууралуу Тышкы иштер министрлигинен кабарлашты.
Раббанини президент Алмазбек Атамбаев, төрага Асылбек Жээнбеков, премьер-министр Темир Сариев кабыл алат. Ал ошондой эле тышкы иштер министри Эрлан Абдылдаев, Коопсуздук кеңешинин башкы катчысы Темир Жумакадыров жана экономика министри Арзыбек Кожошев менен жолугат.
28-29-мартка пландалып жаткан сапар алкагында эки тараптуу сүйлөшүүлөр жүргүзүлүп, кыргыз-ооган кызматташтыгынын саясий, экономикалык багыттары, аймактык жана эл аралык темалар талкууланат.
Соңунда кыргыз-ооган соода-экономикалык кызматташтыгы боюнча өкмөт аралык комиссия түзүү тууралуу келишимге кол коюлат.
КОММЕНТАРИЙ КАЛТЫРУУ