«Смайл.KG» коомдук фонду жана өнөктөштөр жергиликтүү деңгээлде инклюзивдик билим берүүнү илгерилетүү үчүн кызыкдар тараптардын коалициясын түзүү максатында тегерек столдо дискуссия жүргүзүү үчүн жолугушат. Бул чечим Ош шаардык билим берүү башкармалыгы менен «Смайл.КейДжи» КФсынын ортосундагы кызматташтык жана социалдык өнөктөштүк жөнүндө меморандумга кол коюу менен бекитилет. Демилге USAID жана DFID тарабынан каржылануучу Биргелешип башкаруу программасынын колдоосунда ишке ашырылууда.
Жолугушуунун катышуучулары майып балдардын инклюзивдик билим алууга жетүүсү үчүн инфраструктуралык шарттардын даяр болушунун деңгээлин аныктоо үчүн шаардын жалпы билим берүүчү 47 мектебинде 2015-жылдын аягында өткөрүлгөн изилдөөнүн жыйынтыктары менен таанышып чыгышат. Изилдөө ошондой эле Ош шаарындагымүмкүнчүлүгү чектелген мектеп курагындагы 120 баланын билим алууга муктаждыктарын изилдөөнүн жыйынтыктарын камтыйт.
Бул жолугушуунун катышуучулары улуттук деңгээлде инклюзивдик билим берүүнү ишке киргизүү жана илгерилетүү механизмдери боюнча резолюцияны жана сунуштамаларды, таяныч-кыймылдоо системасынын мүмкүнчүлүктөрү чектелген балдардын билим алууга жетүүсүн түзүү боюнча жергиликтүү деңгээлде инклюзивдик билим берүүнү илгерилетүү жаатында чечим кабыл алуучу мамлекеттик түзүмдөрдүн өкүлдөрү үчүн сунуштамаларды даярдашат.
Балдар майыптуулугу жаатындагы башкы проблема – билим алууга өзгөчө муктаждыгы бар балдардын билим алууга жетүүсүнүн начардыгы. КР Социалдык өнүгүү министрлиги берген маалыматка ылайык азыркы учурда өлкөдөмүмкүнчүлүгү чектелген 26 миңден ашык бала жашайт. КР Билим берүү жана илим министрлиги берген маалымат боюнча ушул топтогу балдардын 25%ы гана билим берүү системасына киргизилген.
2015-жылы «Смайл.КейДжи» КФсы «Инклюзивдик билим берүүнү колдойбуз!» долбоорун ишке ашырууну баштады, ал долбоор учурдагы ченемдик укуктук актыларды ишке ашыруунун сапатына баа берүү, мектептик инфраструктуралык шарттарды жакшыртуу боюнча натыйжалуу механизмдерди иштеп чыгуу жана ДМЧ балдардын жалпы билим берүүчү мектептерге жетүүсүн жакшыртуунун моделин түзүү аркылуу Ош шаарындагы таяныч-кыймылдоо системасы жабыркаган балдардын инклюзивдик билим алууга жетүүсүн жакшыртууга багытталган.
Бул долбоор Биргелешип башкаруу программасынын (ББП) колдоосунда ишке ашырылууда, ал Кыргыз Республикасында өкмөттүн, жарандык коомдун жана менчик сектордун өнөктөштүгүн чыңдоого багытталган. Программа АКШнын Эл аралык өнүгүү боюнча агенттиги (USAID) жана Улуу Британиянын Эл аралык өнүгүү министрлиги (DFID) тарабынан каржыланган жана Ист-Вест Менеджмент Институту (EWMI) тарабынан ишке ашырылууда.
Фатима Касымахунова
КОММЕНТАРИЙ КАЛТЫРУУ