Премьер-министр Сооронбай Жээнбеков бүгүн Жогорку Кеңештин Конституциялык мыйзамдар, мамлекеттик түзүлүш, сот-укуктук маселелер комитетинин жыйынында өкмөттүн түзүмдүк өзгөрүүлөрү боюнча сунушту тааныштырат. Бул тууралуу өкмөттүн маалымат кызматы билдирди.
Аталган сунуш 2016-жылдын 13-апрелинде Жогорку Кеңештин токтому менен бекитилген.
Премьер-министр өкмөттүн түзүмүнө төмөнкүдөй өзгөртүүлөрдү сунуштоодо:
– Геология жана минералдык ресурстар боюнча мамлекеттик агенттиктин базасында Кыргыз Республикасынын Мамлекеттик өнөр жай, энергетика жана жер казынасын пайдалануу комитетин түзүү;
– Айыл чарба жана мелиорация министрлигинин функцияларын азык-түлүк өнөр жайын өнүктүрүү боюнча кошумча функциялар менен толуктоо;
– Мамлекеттик байланыш агенттиги жана КР Өкмөтүнө караштуу Электрондук башкаруу борборунун базасында Кыргыз Республикасынын Мамлекеттик маалыматтык технологиялар жана байланыш комитетин түзүү;
– Экономика министрлигин, Транспорт жана коммуникациялар министрлигин, Мамлекеттик каттоо кызматын, Геология жана минералдык ресурстар боюнча мамлекеттик агенттикти кайрадан түзүү жана функцияларын кыскартуу;
– Экологиялык жана техникалык коопсуздук боюнча мамлекеттик агенттиктин функцияларын жер казнасын пайдаланууну көзөмөлдөө боюнча функцияны кошумчалоо жолу аркылуу кеңейтүү.
Бийликтин аткаруу бутагынын түзүмүнө киргизилүүчү өзгөртүүлөр штаттык санды көбөйтүүнү жана республикалык бюджеттен кошумча каржылоону талап кылбайт.
Парламенттин тармактык комитетинин жыйынына премьер-министр жетекчилик кылган өкмөттүн бардык мүчөлөрү катышат.
КОММЕНТАРИЙ КАЛТЫРУУ