Бүгүн парламенттин Конституциялык мыйзамдар, мамлекеттик түзүлүш, сот-укуктук маселелер комитети президент жана Жогорку Кеӊештин фракциялары тарабынан шайлоолор жана референдум өткөрүү боюнча борбордук комиссиясынын мүчөлүгүнө көрсөтүлгөн талапкерлердин баарын парламенттин кароосуна алып чыгуу чечимине келди. Бул тууралуу ЖКнын басма сөз кызматы билдирди.
Ошентип, президент тарабынан БШК курамына Алмаз Асаналиевдин, Гүлнара Баатырованын, Бахтияр Кадыровдун, Нуржан Шайлдабекованын, ал эми КСДП фракциясынан Адилет Сатыгуловдун, «Кыргызстан» фракциясынан Акылбек Эшимовдун, «Өнүгүү – Прогресс» фракциясынан Назарали Ариповдун, «Ата Мекен» фракциясынан Гүлнара Журабаеванын, «Республика – Ата Журт» фракциясынан Атыр Абдрахатова менен Елена Жылкычиеванын, «Бир Бол» фракциясынан Абдыжапар Бекматовдун талапкерлиги көрсөтүлүүдө.
Эске салсак, БШКнын азыркы курамынын ыйгарым укуктарынын мөөнөтү 2016-жылдын 4-июлунда аяктайт. Ошондон улам, анын жаӊы курамына талапкерлер көрсөтүлүп жатат. Мыйзамга ылайык, БШК курамы 12 мүчөдөн туруп, Президент 4 талапкер, парламенттик көпчүлүк коалициясы 4 талапкер, оппозиция 4 талапкер көрсөтүүгө тийиш.
КОММЕНТАРИЙ КАЛТЫРУУ