Урматтуу Мекендештер!
Мен жана баардыгыбыз эле “Азаттыктын” берүүлөрүнөн, ошондой эле интернеттин ар кыл сайттарында катуу талкуу болуп жаткан кыргыз келиндин эгиз балдары менен Москвада жигити таштап кетип, ара жолдо калганын көрүп, угуп аябай зээним кейиди. “Бир карын майды бир кумалак чиритет” дегендей, арабызда кээ бир жигиттерибиз “кыргыздын жигити” деген наамыбызды булгап коюп жатат, мейли, аларга дагы бирок кудай бар, бул жашоо БУМЕРАНГ экенин унутбашыбыз керек. Бирок бизге жакшы карындашын, жакшы апасын эч ким бербейт.
СССР тарагандан бери, карапайым калк өзүнүн жашоосун оңдоо максатында ар кимибиз ар жака чыгып, Россия жана башка чет өлкөлөрдө иштеп келебиз, бирок анын арасында ушуга окшоп төрөп коюп, тымызын төрөтканаларга таштап кетип калган балдар канча, тымызын таштанды чакаларга таштап койгондор канча, бир кудай билет, эртең ушул эгиз балдар биздин кыргыздын керегине жараган адамдар болушу мумкун.
Кыргыз кыздарыбызды этият кылалы, Мекендештер. Таң каласың, башка мамлекеттерде азайып кетип жаткан жаныбарларга коомдук уюмдарды түзүп, сактап калалы деп акча жыйнап, мамлекет тарабынан дагы колдоолор көрүлөт. Бизде деле 1 депутатка мамлекет 1 жылга кетирген чыгымын (6 миллион сом) ушуга окшогон ара жолдо калган жарандарыбызга иштетсе, канчалаган наристелер сактаталып калат экен. Мисалы, ошол келин Жалал-Абаддан деп уктум, бирок так дарегин билүүгө мүмкүнчүлүк болбоду. Жалал-Абаддан деле 2 миллионго квартира келет го деп ойлойм.
Бизде Москвадагы элчилик, Кыргыз республикасынын Тышкы иштер министрлиги ушул кыргыз жараны боюнча бир комментарий берип коёюн дешпейт, анан бийлик өз жарандарына ушундай мамиле кылып жатса, бийликти ким тоготсун, ким уксун… Эми эмне, элчиликке сөзсүз келип, арыз менен кайрылыш керекпи? Ага чейин деле интернетти күнүгө эле окуйсуздар, көрүп бир реакция кылып, жок дегенде туулгандыгы жөнүндө күбөлүктү алгандан кийин, вкладышты оформить этип берсениздер болот го?.. Кыргыз Республикасынын Россиядагы Элчилиги деле биздин чөнтөгүбүздөн чогултулган салыктын эсебинен дипломат болуп отурасыңар го, бир аз жараандарыбызга көңүл буруп койсонуздар, кабинетте эле олтура бербестен. Кыргызстандын жаранын сиздер коргобосоңор, биз, жалпы эл коргойбуз, кудай буйруса. Кыргыздын кызын ара жолго калтырбайбыз. Дариха Ишанованын кайрылуусунда да өтө сөөккө жете турган кылып айтыптыр, билбейм, мындай кайрылууга биз кыргыз жигиттери реакция кылбай коюуга, жигиттик намысым чыдабады. Кудай буйруса, реакция кылган жигиттери чекеден чыгат деп ойлойм.
Келгиле жигиттер, бул акчалар табылат, бирок, намыс табылбайт. Кыргыз кыздарыбызды уруп-тээп, алардын жаман жагын интернетке чыгарбай жардам берели. Мен да иним Болот Жумаев экөөбүз биргеликте сүйлөшүп, ушул ара жолдо калган кыздын жана эки эгиз баланын Москвадан Ошко же Бишкекке чейин авиабилетин алып берели деп чечтик. Силерден сураныч, кыздын адресин, номерин табышып коюнуздар… Владивосток шаарында сиздер катары мигрант болуп иштейм.
Сиздерди урматтап, Талант Жумаев, Владивосток шаары. 21.06.2016 жыл.
Байланышуу үчүн – 8-966-288-24-24, 8-924-24-6-24-24 телефондоруна чалсаңыздар болот.
КОММЕНТАРИЙ КАЛТЫРУУ