Чөөлөр жүрөт Берлинге туу сайгансып,
“Өмүр бою кестик” дешип кубанып.
Ким ишенет “куурчак” сындуу сотторго,
Ак ийилет, бирок сынбайт уланып.
Тынч кетсе да элдин ойлоп тагдырын,
Тебелешти калктын берген добушун.
Бузукулар салтты тепсеп кутуруп,
Талкалашты, өрттөп АТА КОНУШУН!!!
“Канкор” дедик Бакиевге асылып,
Көзү жокто күнөө жаптык ашыгып.
Канкор болгон Батыровду айтпайбыз,
Ошто жатат далай кандар басылып…
Бузукулар “кетсин” дешип үйрөтүп,
Жүргөн эле такыр жерди гүлдөтүп.
Алар келип аңга түштүк баарыбыз,
Шоопурлары элди билип дүрбөтүп.
Пайда болуп куудул “токол” депутат,
Көксөп турат Бакиевдин өлүмүн.
Сен ишенген “гарем” дагы жок болот,
Өлүмдү эмес өзүң тиле өмүрүң!
Көрүп алып көп жоругун булардын,
Бакиевдин туугандарын сыйладым.
Батыровдун колу менен өрттөлгөн,
Түштүктүктөгү боорлорума ыйладым…
Канкор эмес! Жаныш ага-генерал!
Элибизге тирек болгон дайыма.
Баарыбызда жандай болгон тууган бар,
Жалаа жаптык Бакиевдин баарына!
Калк ишенип “эки жолу” шайлаган,
Бакиевди неге душман көрөбүз?
Түндүк-түштүк түп көтөрө колдогон,
Президентти “оштук” кылып бөлөбүз…
Акаевдей былжыр эмес сүрдүү деп,
Нарын, Талас, Ысык-Көл да шайлаган.
Баркын билип күтүп турат калың эл,
Хан көтөрөт кайтып келсе кайрадан.
Бакиев эмес Батыровду соккула!
Бийлигиңди “топ чөөлөрдөн” тоскула!
Бакиевдер душман эмес билип кой,
Батыровдой чын душмандан корккула!
Бакиев деп каралабай чакырып,
Кыргыз эли эсибизге келели!
Кайра түздөп керегенин кыйшыгын,
Келерки жыл “хан тактыны” берели!
Асейин Саралаев, “Ата-Мекен” партиясынын мүчөсү
КОММЕНТАРИЙ КАЛТЫРУУ