Армения президенти Серж Саргсаяндын жарлыгы менен өлкөнүн премьер-министрлигине Карен Карапетян дайындалды. Жарлыктын тексти өлкө башчысынын расмий сайтына жарыяланды.
Еревандын мурдагы мэри Карен Карапетяндын премьер-министрликке талапкерлиги Армениянын Республикалык партиясынын аткаруу органын 8-сентябрдагы жыйынында сунушталган.
Буга чейин министрлер кабинетинин мурдагы башчысы Овик Абрамян отставкага кетүү арызын жазган. Ал өз кадамын президентке жаңы өкмөттү түзүү мүмкүндүгүн берип жатканы менен түшүндүргөн.
Буга чейин өлкө башчысы Серж Саргсян Еревандагы полициянын имаратын басып алууга байланышкан окуялардан кийин жаңы өкмөт түзүүгө ниеттенип жатканын билдирген.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ