Укук коргоо органдарынан билдиришкендей, Германия өлкө аймагында кармалган адамды өткөрүп берүү боюнча тажик бийлигинин өтүнүчүнө жооп бербей жатат. Ал «Ислам мамлекетинин» мүчөсү деп шектелүүдө.
Тажикстандын 30 жаштагы жараны июнда Карлсруэ шаарында (Түндүк Рейн-Вестфалия) кармалган. Германиянын тиешелүү органдарына анын күнөөлүү экенин далилдеген видео материалдар жөнөтүлгөн.
Бирок герман тарап Саидовду экстрадициялоо чечимин дагы деле кабыл ала элек жана ал маселе боюнча тараптардын сүйлөшүүлөрү уланууда. Саидов мекенинде кыйноолор менен ырайымсыз мамилеге дуушар болорун айтып, Германиядан аны тажик бийлигине өткөрүп бербөөнү өтүнгөн. Тажикстанда анын жубайы жана эки баласы калган.
Саидов мекенинде жалданмачылык жана чет өлкөдөгү согуштук аракеттерге катышууга айыпталууда. Расмий маалыматтар боюнча ал 2015-жылы Сирияга барып, «Ислам мамлекети» тобунун катарына кошулган. Интерполдун издөөдөгү адамдардын тизмесинде. Ал качкын катары Сириядан Германияга өтүп барган.
Саидов Жакынкы Чыгышка барганга чейин мекенинде айдоочу болуп иштеп, кийин Орусияга жумуш издеп кеткен.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ