Мамлекеттик каттоо кызматынан билдиришкендей, Бишкекте 28-сентябрда өткөн аукциондо 777 ААА автоунаа номуру 1 миллион 716 миң сомго сатылды.
Маалыматка караганда, бул каражат онлайн-аукцион башталгандан бери мамлекеттик номур үчүн сунушталган эң жогорку баа. Кечээ башталган онлайн-аукционго тогуз адам катышкан. Алардын баары 6000 сом өлчөмүндө кепилдик акы төлөшкөн. Бул аукциондогу баштапкы баа – 60 миң сомдун он пайызы.
Мындан мурда 01 111 ААА номуру 160 миң сомго, 01 888 ААА номуру 180 миңге, 01 999 ААА – 282 миңге, 01 001 ААА – 594 миңге сатылган.
Онлайн-аукциондун эрежеси боюнча номурду алуу сертификаты үчүн жеңүүчү үч күндүн ичинде акча төлөшү керек. Эгер ал баш тарта турган болсо анда номур андан кийинки көп акча сунуштаган катышуучуга сатылат.
Окшош сандардан турган мамлекеттик автоунаа номурлары 19-сентябрдан тарта сатыла баштаган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ