Минск түркмөн тарап Гарлык тоо кен-байытуучу комбинатын курууда каржылык жана башка милдеттенмелерин аткарбай жатканына кабатыр. Бул тууралуу Белорустун Улуттук жыйынынын республикалык кеңешинин төрагасы Михаил Мясникович Түркмөнстандын элчиси Назаргулы Шагулыев менен жолугушуу учурунда билдирди.
Жолугушууда белорус курулушчулары айлык маяна албай жатканы белгиленди. Алар мындан башка дагы бир катар көйгөйлөргө туш болушууда. Бул курулуштун жүрүшүнө таасирин тийгизүүдө.
Республика кеңешинин төрагасы Ашхабадды комбинаттын курулушун ийгиликтүү аяктоо үчүн кечиктирилгис чараларды көрүүгө үндөдү.
Маалымдалгандай, Түркмөнстан менен Белорус жазда комбинаттын негизги жана көмөкчү тилкелерин ишке берүүгө даярдык көрүп баштаган. Ал жылына 1,4 миллион тонна калий семирткичин өндүрүп чыгууга кудуреттүү. Комбинат Түркмөнстандын түндүк-батышындагы Лебап районунда салынууда. Өлкөдөгү алгачкы тоо-химиялык өнөр жай объектисин 2017-жылы мартта ишке берүү пландалууда.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ