Тажикстандын «Группа 24» тобунун активистти, укук коргоочу Собир Валиев жакынкы күндөрү Кыргызстан элчилигине кайрылат. Бул тууралуу анын Фейсбуктагы баракчасына жарыяланган видео кайрылуусунда айтылат.
Ал учурда Европа өлкөлөрүнүн биринде жүргөнүн билдирген. Кыргыз элчилигине кайрылгандан кийин УКМК ага каршы кылмыш ишин жандандыруу үчүн документтерди жөнөтө алат.
«Бүгүн Кыргызстандын атайын кызматы мага каршы кылмыш ишин жандандырганын билдим. Европа өлкөлөрүндө кыргыз паспорту менен учуп жүрөм, менин шенген визам бар. 2015-жылы мени Молдовада кармашкан, бирок Кыргызстан кылмыш ишин жандандыруу боюнча документти же башка бир доо-талабын жөнөткөн эмес. Буга байланыштуу бул жолку аракеттери менин саясий ишмердүүлүгүмө байланыштуу жасалып жатса керек деп ойлойм. Менимче, бул Тажикстандын өтүнүчү менен болуп жатат», – деди Валиев.
Валиев мындан тышкары Тажикстандын атайын кызматы өзүнүн жана жубайынын өмүрүнө коркунуч жараларын кыйытып, опузалагынын билдирди. Укук коргоочунун аялы учурда Кыргызстанда. Ал катардагы активист жана укук коргоочу экенин кошумчалаган. Анын айтымында, 10 жыл Кыргызстанда эмгектенген. Бизнес менен алектенип, салык төлөп, эч кандай кылмыш жасаган эмес. Тажикстанда «Группа 24» экстремисттик топ катары табылганына токтолгон Собир Валиев Борбор Азия мамлекеттеринде экстремизм түшүнүгүн ажыратып билүү өтө татаал экенин айткан.
УКМК 3-октябрда 2015-жылы Собир Валиевге карата козголгон кылмыш ишин кайра жандантканын кабарлап, ага “мамлекеттик чек араны мыйзамсыз кесип өтүү” жана “кызмат абалынан кыянаттык менен пайдалануу” беренелери боюнча кылмыш иши козголгонун билдирген. Валиевдин жубайы Жанета Хамзаева 2-октябрда Бишкекке учуп келген учурда УКМК кызматкерлери тарабынан камакка алынып, кайра бошотулган. Учурда ал күбө катары өтүүдө.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ