Тажикстан ИИМи Шахирнавдын эки жашоочусу көз байлоочулук менен шыгуулданып, акча таап келишкенин маалымдады. Мындан тышкары алар кардарларынан Сирияга кеткен туугандарын атайын дубалардын жана ырым-жырымдардын жардамы менен кайтарууну убадалашкан.
ИИМ эки көзү ачыкка карата алдамчылык беренеси боюнча кылмыш ишин козгоду. Экөө тең Тажикстан Ислам кайра жаралуу партиясынын мүчөлөрү болуп саналары маалымдалды.
Көзү ачыктар жергиликтүү жашоочунун Сириядагы тууганын атайын ырым-жырым менен кайтарып берүүнү убадалашкан. Алар мындан тышкары сексуалдык мүнөздөгү кылмыштар жана маңзат колдонуу боюнча дагы айыпталышууда.
Тинтүү учурунда шектүү жарандардын үйүнөн диний китептер, ырым тумарлары, кара куурай толтурулган чылымдар, презервативдер табылган.
Былтыр сентябрдан бери Тажикстанда көзү ачыктык кылмыш катары эсептелет. Бул үчүн жаза иретинде жети жылга чейин эркинен ажыратуу каралган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ