Чүй облусунун Васильевка айылынан алыс эмес жерде Кыргызстандан Казакстанга мыйзамсыз түрдө өтүп кетүүгө аракет кылган жаран кармалды. Бул тууралуу Мамлекеттик чек ара кызматы билдирди.
Маалыматка караганда, 1994-жылы туулган З. С. аттуу жаран чек ара кызматкерлери тарабынан кыргыз-казак мамлекеттик чек арасын бойлой Чу дарыясын кечип бараткан маалда кармалды.
Териштирүү учурунда аталган жаран эки айдан бери №26 түзөтүү абагынан качып кеткендиги үчүн издөөдө жүргөнү белгилүү болду.
Тиешелүү документтер толтурулгандан кийин кармалган киши Мамлекеттик жаза аткаруу кызматынын аймактык башкармалыгына өткөрүлүп берилди.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ