Бишкектин 6-12-кичирайондорунун аймагында сай жээктей жайгашкан бир кездеги Максим Бакиев жана анын эл аралык деңгээлдеги аферист досторуна таандык элиталык үйлөрдү билесиңер да? Көз жоосун алып, баалары үрөй учурган андай үйлөр учурдагы чиновниктердин ээлигине четинен өтүүдө. Кыргыздын ырысын кемирип кеткен айтылуу энергобарон Алексей Ширшовго таандык кымбат үйдү Бишкек мэри Албек Ибраимов сатып алгандыгы каңкууланууда. Кызыгы, Атамбаев-Текебаев тирешиндеги башкы темага чыккан 2,5 гектар жер аянты дал ушул Ширшовго таандык экендиги, кайран эргул анысын «Дастан» заводун тескеп турганда алып, кийин азыркы бийликке жол издеп, Албек Ибраимовго саткандыгы чын беле? Өткөн жылы Ширшов курган ошол элиталык үйлөрдөн (корей улутундагы Тень аттуу жардамчысынын наамында дейт) андагы ИИМ жетекчиси Мелис Турганбаев алганы кабарланган. Бир кездери эл эсебинен Максим Бакиев жана анын ач өзөк «бөлтүрүктөрү» үчүн салынып, аларга жукпай калган кымбат баадагы үйлөр азыркыларга буюрабы? Азырынча суроо.
Булак: “Азия ньюс”
КОММЕНТАРИЙ КАЛТЫРУУ