Ашхабадда “Йимпаш” соода борборуна таандык болгон имарат Түркмөнстандын Дене тарбия жана спорт институтуна өткөрүлүп берилди.
“Түркмөнстан хроникасы” басылмасынын кабарлашынча, институт соода борборун ижарага бериши мүмкүн. Себеби аны колдонуу үчүн ремонт жасоого дагы акча жок.
Түркиялык “Йимпаш Холдинг” компаниясына таандык Түркмөнстандагы алгачкы ири соода борбор былтыр декабрда жабылган. Ага чейин бир ай бою компанияга ар түрдүү кысымдар көрсөтүлүп келген.
Алгач соода борбордун кожоюну алмашканы жана ал башка ысым менен кайра ачылып иштей тургандыгы жөнүндө маалымат чыккан. Бирок жыл башында анын Дене тарбия жана спорт институтуна берилери кабарланган.
Түркмөнстан бийлиги Ашхабаддагы ири соода борбордун жабылуу себептерин түшүндүргөн жок. “Йимпаш” компаниясы дагы бул тууралуу маалымат берүүдөн баш тартты.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ