Худжандда банкрот деп табылган “Хамдаси” микрокредиттик уюмунун кардарлары акчаларын кайтарып алуу үчүн коррупцияга каршы мекемеден жардам сурашууда. Алардын айтымында, микрокредиттик уюмдун башчысы төлөмдөрдү кайтарып берген эмес. Аманатчылар уюмдун жооптуу кызматкерлерин жазага тартууну талап кылышууда.
Жамааттык арызга 30 аманатчы кол койду. Анда кардарлардын бир миллиондой долларына ээлик кылып алганы үчүн 18 жылга соттолгон микроаманат уюмунун башчысы гана эмес, насыя бөлүмүнүн жетекчиси, башкы эсепчи сыяктуу жооптуу адамдар дагы күнөөлүү экени жазылган.
Аманатчылардын билдиришинче, бул адамдар микрокредиттик уюмдун аркасына жашынып алып, каржы пирамидасын түзүшкөн. Алар насыя беришип, бирок кардардардын күрөөгө койгон мүлктөрүн өздөрүнө каттатып, депозиттерди алып турушкан. Уюмдун жооптуу кызматкерлеринин баары бири-бири менен тууган экени жана мурда иштелип чыккан схема менен иштешкени айтылууда.
Худжанддагы «Хамдасти» микрокредиттик уюму 2009-жылы түзүлгөн, бирок 2015-жылы экономикалык каатчылыкты жүйө кармап жабылып калган. Тажикстандын улуттук банкы былтыр «Хамдастинин» лицензиясын жокко чыгарып, сот уюмду банкрот деп тапкан.
Учурда банктын 80дей кардары 13 миллион сомони (1,5 миллион АКШ доллары) өлчөмүндөгү сактык акчаларын ала албай келишет.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ