WannaCrypt вирусунда пайдаланылган программалык коддун фрагменттери Улуттук коопсуздук агенттигинин (NSA) компьютердик программаларынан алынган. Бул тууралуу Microsoft компаниясынын директору Брэд Смиттин билдирүүсүндө айтылат.
Өткөн жума күнү дүйнөнүн 150 өлкөсүндө WannaCrypt деп аталган вирус тараган. Ал компьютердеги файлдардын баарын жашырып, аларды калыбына келтирүү үчүн компьютер ээсинен акча талап кылган. Жалпысынан вирустук чабуулга 200 миңге чукул киши кабылган.
Орусияда вирус Ички иштер министрлигинин, Тергөө комитетинин, мобилдик операторлордун жана «Орусия темир жолдору» ишканасынын компьютердик системаларына кирген. Улуу Британияда вирустан мамлекеттик ооруканалар жана башка медициналык жайлар зыян тарткан. Казакстанда болсо Каспий жээгиндеги Кашаган мунай кенинин операторунун серверлерине чабуул жасалган.
Вирустук кол салуудан кийин Улуу Британия бийлиги киберкоопсуздук үчүн кошумча 64 миллион доллар бөлүү чечимин кабыл алды. Ак үйдө бул көйгөйдү эки жолу талкуулоого жетишишти.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ