Тажикстан Ооганстандан түрмөдө жаткан үч аялды – жоочулардын жесирлерин жана эки баланы экстрадициялоо ниетинде. Алар 2016-жылы күйөөлөрү өлтүрүлгөндөн кийин камалышкан.
Маалыматтарга караганда, абактагы аялдардын туугандары Ооганстандын Дүйшөмбүдөгү элчилигине кайрылып, экстрадициялоону өтүнүшкөн.
Ооган тарап кабарлагандай, камактагы аялдар Талибан жана “Ислам мамлекети” тобуна мүчө болгондуктары үчүн күнөөлүү деп табылышкан.
Дүйшөмбү камактагы жарандарын кайтаруу боюнча Кабулга кат жөнөттү.
Тажикстан менен Ооганстан 2010-жылы камактагыларды алмашуу боюнча келишимге кол коюшкан.
Ооган бийлиги маселе каралып жатканын, бирок аялдарды алардын макулдугу менен гана экстрадициялоо мүмкүн экенин баса белгилөөдө. Ооган ТИМиндеги өз булактын кабарлашынча, Кабулдагы түрмөдө жаш балдары менен 7 тажикстандык аял отурат. Кызыл Чырым уюмунун өкүлдөрү камактагылар менен сүйлөшүп чыгышкан, бирок алар экстрадициялоого азырынча макулдуктарын берише элек.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ