Кечээ 3-август күнү Ош областтык соту маркум полковник Толкунбек Шоноевдин өлүмүнө шектелип камакка алынган Кадыр Досоновдун (каймана аты Женго) ишин карап, Кара-Суу райондук сотунун актоо өкүмүн күчүндө калтырды. Буга чейин Шоноевдин өлүмүнө шектүү катары бир нече адам соттолгон. Аны менен катар өлтүрүүгө буйрук берген деген шек менен Досонов камакка алынган. Бирок, Досонов да жөн жатпай, өз укугун коргоону колго алып, сотто акталып чыгууга толук далилдерин көрсөттү окшойт. Баарынан өкүнүчтүүсү, Шоноевди өлтүрүүгө ким буйрук бергени ачыкталбай калганы болууда. Милиция кызматкерлери ишти чала тергешкенби деген суроо туулат? Эмне себептен кылмыш иши соттон сынып калды? Буга ким жооп берет? ИИМ министри Улан Исраилов бул маселеге эмне деп жооп берет?
Булак: “Ачык саясат”
КОММЕНТАРИЙ КАЛТЫРУУ