Тажикстанда президенттик администрациянын башчысы жана Эмомали Рахмондун кызы Озода Рахмон атасына видео куттуктоо жөнөттү. 5-октябрда Тажикстан президенти Эмомали Рахмон 65 жашка толду.
Видео куттуктоодо Озода Рахмон атасын “акылдуу”, “адилет”, “мугалим жана тарбиячы” деп атаган. Ал атасынын мааракеси – үй-бүлөнүн бир арага келишине өбөлгө болгогонун айткан. “Биз – Сиздин балдарыңыз жана неберелериңиз Сиз сыяктуу Мекенибизге жана урматтуу тажик калкыбызга ак дил менен кызмат өтөйбүз”,- деген президенттин кызы.
Эмомали Рахмон –мурдагы Советтер Союзуна мүчө өлкөлөр арасында эң көп балалуу ата.
Борбор Азия өлкөлөрүнүндө президенттердин мамлекеттик жогорку кызматтарга балдарын жана туугандарын дайындоосу салттуу көрүнүш. Озада 2016-жылдан бери президенттин администрациясын жетектейт.
https://www.facebook.com/khadamotimatbuot/videos/1619454078124772/
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ