ИИМ Улан Саляновдун өлүмү боюнча маалыматтарды алгачкы күндөн баштап эле бурмалоодо. Бул тууралуу «24.kg» агенттигине Жоргорку Кеңештин депутаты Аида Салянова билдирген.
Анын айтымында, эки апта өтсө дагы тергөө ишинде жылыш жок. Анүстүнө ИИМ биринчи күн эле саясый мүдөөнү четке каккандыгын түшүндүрүп бербей жатат.
«Тергөө толук жүрбөй жатат. Айрым фактылар көз жаздымда калууда. Мисалы, мен келгенге чейин эле инимдин баласы кичи жүк ташуучу унаа менен «Прадо» автомобили жакын келгенин көргөндүгүн милицияга айткан. Бирок, аны эч ким издеген жок.», — дейт Аида Салянова.
«Ата-Мекен» фракциясы бул суроону эртең парламенттик отурумга алып чыгат.
Эске салсак, Улан Саляновду 5-ноябрда өз үйүндө атып өлтүрүшкөн.
КОММЕНТАРИЙ КАЛТЫРУУ