Казакстандын маалымат жана байланыш министри Даурен Абаев 27-февралда журналисттерге өкмөт жана парламент жыйындарын казак тилинде өткөрүү жараянында “аша чабуулар” болбой турганын айтты.
Казакстандын президенти Нурсултан Назарбаев 26-февралда өлкөнүн маалымат жана байланыш министри Даурен Абаев менен жолугуп, ага казак тилинин макамын жогорулатуу боюнча иштерди улантуу тапшырмасын берген. Анын эртеси өкмөт жыйыны өтүп, министрлердин көбү баяндамаларын казак тилинде жасашкан.
Казакстан мыйзамдары боюнча казак тили мамлекеттик макамга ээ. Мамлекеттик уюмдарда жана жергиликтүү өзүн өзү башкаруу органдарында казак тили менен бир деңгээлде орус тили дагы колдонулат.
Булак: Жаңы Ордо
КОММЕНТАРИЙ КАЛТЫРУУ