Эсиңерде болсо, Өмүрбек Бабановго конституциялык түзүмдү күч менен басып алууга чакырык жасоо жана улуттар аралык, расалык же диний кастыкты козутуу беренелери боюнча кылмыш иштери козголгон. УКМК беш айдан бери тергеп атат. Коомчулук болсо резонанстуу иштин созулуп кеткенинен шек саноодо. Эмнеге мындай бүдөмүк жагдай жаралды? УКМК маалымат бербейби? Же Бабанов жогору жактагылар менен «соодалашып» атабы? Балким, чын эле көтөнзордукка салуу менен кылмыш ишин козгоп алышканбы? Суроолор көп. Жооп жок.
Албетте, Бабановго байланыштуу маселе элибиздин бүйүрүн кызытып турат. Себеби, ал Кыргызстандагы чоң саясый фигура, президенттик шайлоодо 600 миңден ашуун элдин добушун алган. Эгерде БӨТкө жөн эле коркутуу үчүн мыйзамсыз негизде кылмыш ишин козгошсо, анда тиешелүү адамдар жоопко тартылыш керек да, туурабы? Кызыгы, Бабановго дагы кошумча кылмьпп иши козголду. Бул эмнени билдирет?..
Булак: ”Азия Ньюс”
КОММЕНТАРИЙ КАЛТЫРУУ