Өз ыктыяры менен арыз жазып кызматтан кеткен Бишкек шаарынын вице-мэри Айгүл Рыскулова жакын арада эмгек жана социалдык өнүктүрүү министри Таалайгүл Исакунованын ордуна барышы мүмкүн экен. Өз ишин мыкты билген Айгүл айым бул кызматка барса жарашат. Учурдагы министр Исакунованын иштин көзүн билбеген мажүрөөлүгүнөн министрликте иш жүрбөй, шалаакылык, кайдигерлик өкүм сүрүп калды. Эми бул атмосфераны ондош үчүн Рыскуловадай жетекчи келиши шарт. Айткандай, Бишкек шаарынын мэри Албек Ибраимовдун социалдык блокту тейлөөчү орун басарлыгына «Өнүгүү-Прогресс» партиясынан Бишкек шаарынын депутаты Асел Куламбаева дайындалды.
Булак: “Фабула”
КОММЕНТАРИЙ КАЛТЫРУУ