… АКШнын 32-президенти Ф. Рузвельт бийликке келген учурда мамлекеттин экономикасы талкаланып, кыйрап жетээр жерине жетип калган. Баардык масштабда кризис муунтуп тамырын кенен жайган оор абал түзүлгөн. Банк жана каржы системасы толугу менен сазга баткан. Ири өндүрүштөр биринен бири жабылган. Аталган өлкөнүн ага чейинки жана андан кийинки бир да президенти мындай оор шартта бийлик башына келген эмес. Ошентип, Франклин Рузвельт экономикалык каатчылык эң бийик чегине жетип калганда бийликке келди. Болгондо да инвалиддик коляскага олтуруп. Бул адам бийликтин бийик сересине келгенге чейин эле андан 10 жыл мурун 39 жашында айыкпас шал оорусуна чалдыгып, өз алдынча басуу мүмкүнчүлүгүнөн ажырап калган. Бир жолу Ф. Рузвельт бөлмөсүндө жалгыз олтуруп үнүн баардыгынча кыйкырып, “мен минтип коляскада олтурам, мамлекетим болсо сазга батып баратат. Деги мен киммин?” деп алдындагы үстөлдү муштуму менен катуу бир коет. Бирок жашоо менен болгон күрөшүн, эркинин күчтүүлүгүн ушундан көр, шал болуп олтуруп Американын экономикасын балчыктан сууруп чыгат. Ушундай көрөгөчтүгү менен 20-кылымда ааламдагы бирден бир эң күчтүү саясий фигура катары айтылып келет. Өз өлкөсүнүн тарыхында ал мамлекетин өнүгүүнүн жаңы нугуна бурган биринчи президент болгон. Кийин өзү баш тартса да эли 4 жолу катары менен аны президентикке көрсөтөт, шайлайт. Мындай сый-урмат американын тарыхында алигиче боло элек.
Булак: “Айгай”
КОММЕНТАРИЙ КАЛТЫРУУ