Өзбекстанда бензиндин аркасынан электр кубаты, жаратылыш газы ысык суу жана жылуулук үчүн тарифтер да кымбаттайт.
Өзбек өкмөтү 2018-жылдын 1-ноябрында “Жылуулук-энергетикалык ресурстардын баасын жана тарифтерин этап менен өзгөртүү жөнүндө” токтом кабыл алды.
Документке ылайык, жергиликтүү администрациялар Өзбекстан Каржы министрлиги менен бирге 2018-жылдын 16-ноябрынан тарта тарифтерди бекитет. Кымбаттоолор калк үчүн 10% ашпоосу керек.
Жергиликтүү ММКлар маалымдагандай, Өзбекстанда электр кубаты жана газ үчүн тарифтер эки этап менен кымбаттайт. 16-ноябрдан тарта күнүмдүк керектелүүчү газдын кубметри 320 сумга, ал эми 2019-жылдын 1-июлунан тарта 350 сумга көбөйөт.
Мындан тышкары 16-ноябрдан тарта электр кубатынын киловатты 250 сумга (учурда 228 сум), 2019-жылдын июль айынан тарта 280 сумга көтөрүлөт.
Булак:Борбор Азия жанылыктар кызматы
КОММЕНТАРИЙ КАЛТЫРУУ