“WhatsApp” социалдык тармагында мындан кийин КРдин Улуттук коопсуздук мамлекеттик кызматы тарабынан аты аталган тармактын колдонуучуларынын ар бир телефондук чалуулары жана смс каттары текшерилип турары жөнүндө маалыматтар тарады.
““WhatsApp”, “Twitter”, жана “Facebook” тармактарында мындан кийин ар бир смс каттар жана чалуулар текшерилип турат. Билбегендерге бул маалыматты жеткирип коюңуздар. Бардык түзмөктөр мекеме тарабынан уктурулуп турат. Мыйзамга туура келбеген смс каттарды жиберип алуудан этият болуңуздар. Жакындарыңызга жана досторуңуздарга жашыруун маалыматтарды жиберүүдө абайлаңыздар. Сураныч! Бул маалыматты бүгүн таратуу маанилүү, себеби эртеңден тарта өлкөдө башка формадагы көзөмөл жүрө баштайт”, – деп жазылат маалыматта.
Ал эми УКМКнын маалымат катчысы Рахат Сулайманова учурда бул маалымат текшерилип жатканын айтты.
КОММЕНТАРИЙ КАЛТЫРУУ