20-майга караган түнү Бишкектеги «Ош» базарына жакын жерден бир жигит бычакталганын окурман билдирди. Бишкек ШИИБдин маалымат кызматынын өкүлү Улан Жумаков мындай факты болгонун ырастады.
«Киев менен Калык Акиев көчөлөрүнүн кесилишиндеги супермаркеттин жанынан 22 жаштагы жигит бычакталган. Окуя 20-майда саат 3:00дөр чамасында болуп, кырсык болгон жерге милиция кызматкерлери дароо келген», — деди Жумаков.
Жигитти бычактаган деген шек менен 29 жаштагы киши кармалып, Бишкек ШИИБдин убактылуу кармоо жайына киргизилген. Жабыркаган жаран ооруканага жеткирилип, керектүү экспертизалар дайындалды.
Булак: «Мантыш»
КОММЕНТАРИЙ КАЛТЫРУУ