Бүгүн, 14-июнда «Ала-Арча» Мамлекеттик резиденциясында Кыргыз Республикасынын төрагалыгы алдында Шанхай кызматташтык уюмуна мүчө-мамлекеттердин башчыларынын Кеңешинин кезектеги жыйыны өтүп жатат. Бул тууралуу президенттин аппаратынын басма сөз кызматы билдирди.
ШКУга мүчө-мамлекеттердин башчыларынын Кеңешинин жыйыны тар жана кеңири курамдарда өтөт, жыйынтыктары боюнча бир катар документтерге кол коюлат.
Ошондой эле бүгүн, 14-июнда күндүн экинчи жарымында Индия Премьер-министри Нарендра Модинин Кыргыз Республикасына расмий визити болот. Кыргыз Республикасынын Президенти Сооронбай Жээнбеков менен жолугушуулар тар жана кеңири курамдарда өтөт.
Мындан тышкары, Нарендра Модинин Кыргыз Республикасына расмий визитинин алкагында кыргыз-индия бизнес-форуму болот.
КОММЕНТАРИЙ КАЛТЫРУУ