Menu

Казакстанда активисттер жарылуу болгон арыстык окуучуларга жардам беришүүдө

Бөлүшүү:

Казакстандык ыктыярчылар жарылуу болгон Арыс шаарындагы жардамга муктаж балдарга китеп каптарды, кеңсе товарларын жеткирип беришүүдө.

Августтун башында бир нече активист арыстыктарга жардам берүү демилгесин көтөргөн. Бэлла Орынбетованын билдиришинче, өлкөнүн ар кыл аймактарынан жалпысынан 900 миң теңге (2300 доллар) чогулган. Бул акчага мектепке керектүү буюмдар сатылып алынган. Кайдыгер эмес жарандардын жардамы менен Арыстагы 300 үй-бүлөгө жардам берилди. Ыктыярчылар тизмени жергиликтүү акимчиликтен алышкан.

Казакстандын Арыс шаарында 24-июнда ок-дары сакталган кампа жарылып, төрт киши мерт болгон. Дарыгерлерге 400дөй адам кайрылып, алардын 80ден ашыгы ооруканага жаткырылган.

Казак бийлиги жарылуудан шаардагы үйлөрдүн 85% эшик-терезелери, чатырлары талкаланганын кабарлаган. Калаанын 63 жеринде, анын ичинен 26 үйдө өрт чыккан. Өкмөт шаарды калыбына келтирүү үчүн 56,1 миллиард теңге (144,7 миллион доллар) бөлүнгөнүн билдирген.

Акыркы 10 жылда Арыстагы аскер кампаларында төрт жолу жарылуу болгон, бир нече киши көз жумган.

Булак: “Борбор Азия жаңылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 65 − 60 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: