Өткөн жума, 18-октябрь күнү Бишкек шаарында контртеррористтик иш-чаралардын жүрүшүндө, КР УКМК кызматкерлери тарабынан эл аралык террористтик уюмдун мүчөсү КР жараны 1980-ж.т., Жалал-абад облусунун тургуну М.А. кармалды. Бул тууралуу УКМКнын басма сөз кызматы билдирди.
Такталгандай М.А. 2011-жылдан бери КР Кылмыш-жаза кодексинин 226-беренесинин 3-бөлүмү (эски редакцияда террористтик акт) боюнча мурда козголгон кылмыш ишинин алкагында издөөдө жүргөн. Кармалган адам Кыргызстандын аймагында террористтик акт жасоого аракет кылган ЭТУ мүчөсү болгон.
2011-жылдын октябрь айында УКМК тарабынан жүргүзүлгөн атайын операциянын жүрүшүндө Ош областында ЭТУ башчысы УКМК атайын күч кызматы тарабынан жок кылынып жана топтун башка мүчөлөрү кармалып ар кандай мөөнөткө эркинен ажыратылышкан. Бирок М.А. качып кетүүгө үлгүргөн.
19-октябрь күнү М.А. карата Ош соту тарбынан КР УКМК Ош жана Ош облустук башкы башкармалыгынын тергөө камак жайына 2 айга чейинки камака алуу түрүндө баш коргоо чарасы каралды. Азыркы учурда тергөө жүрүп жатат.
КОММЕНТАРИЙ КАЛТЫРУУ