Бүгүн, 5-ноябрда Ош мамлекеттик университети жаңы ректорлуу болот. Учурда бул кызматка 4 талапкер ат салышууда. Бул тууралуу аталган окуу жайдын мугалимдери билдиришти.
Алардын айтымында, шайлоо эртең мененки саат 9:00до башталган. Жыйынтыгы түштөн кийин билинет. Жаңы ректор мугалимдердин добушу менен шайланат. Ал кызматка ат салышып жаткандардын баары доцент.
Алар: Кудайберди Кожобеков, 1975-жылы туулган. Учурда ОШмунун ректорунун милдетин аткарууда. Физика-математика илимдеринин кандидаты, доцент . Иш тажрыйбасы – 22 жыл.
Бибигүл Кошоева. 1972-жылы туулган. Доцент. Иш тажрыйбасы – 16 жыл.
Алтынбек Зулпукаров. 1972-жылы туулган. Проректор, физика-математика илимдеринин кандидаты, доцент. Иш тажрыйбасы – 23 жыл.
Шайымбек Эгембердиев. 1967-жылы туулган. К.Карасаев атындагы Бишкек мамлекеттик университетинин мугалими.
Эскерте кетсек, Ош МУнун мурдагы ректору Каныбек Исаков бүгүн Билим жана илим берүү министри. Ал бул кызматка 11-сентябрда дайындалган. Анын талапкерлигин Жогорку Кеңештин 107 депутаты жактырып, колдоп берген. Эртеси премьер-министр М.Абылгазиев өзү ордуна алып барып отургузуп, аталган министрликтин аппаратынын эмгек жамааты менен тааныштырган. 25-сентябрда, парламентте, президенттин катышуусунда К.Исаков ант берген.
Булак: KyrgyzToday.kg
КОММЕНТАРИЙ КАЛТЫРУУ