Түркмөнстан президенти Гурбангулы Бердымухамедов Өзбекстан Илимдер академиясынын ардактуу академиги наамын алды.
Түркмөнстан мамлекеттик басылмалары билдиргендей, наам ыйгаруу аземи 28-ноябрда Ташкентте өттү.
«Мен муну Түркмөнстанга көрсөтүлгөн сый-урмат, биздин өлкөнүн билим берүү жана илим тармагындагы жетишкендиктерин таануу жана эки өлкөнүн достугунун бекемделиши катары кабыл алам», – деди президент Гурбангулы Бердымухамедов.
Түркмөнстан президенти Өзбекстанга эки күндүк жумуш сапары менен келген. Анын алкагында Өзбекстан жана Түркмөнстан президенттеринин жолугушуусу өттү.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ