Курчап турган чөйрөнү коргоо жана токой чарбасы мамлекеттик агенттигинин директору Мирслав Аманкулов аймактык бөлүмдөрдүн жетекчилерине арчаларды мыйзамсыз кыйууга тыюу салган буйрукту берди. Бул тууралуу курчап турган чөйрөнү коргоо жана токой чарбасы мамлекеттик агенттигинин басма сөз кызматы билдирди.
Алардын айтымында, арчанын көчөттөрү кыйылбай, тамыры менен контейнерлерге салынып, майрамдан кийин кайра олтургузууга мүмкүндүк боло тургандай болуп берилет.
Агенттиктин айтымына караганда, мындай чечим токой чарбачылыгын сактап калуу, калктуу конуштарды жашылдандыруу жана жаңы жылдык майрамга карата коомчулукту балаты менен камсыздандыруу максатында кабыл алынган.
Булак: «KyrgyzToday»
КОММЕНТАРИЙ КАЛТЫРУУ