Дарыгерлердин коронавирустук инфекциясын жугузуп алуусунун себептери ар кандай болушу мүмкүн. Анын ичинде жеке коргоочу каражаттарынын жетишсиздиги же коргонуу каражаттарын алмаштыруу боюнча нускамаларды аткарбоо ж.б. болушу мүмкүн. Бул тууралуу бүгүн, 29-апрелде вице-премьер-министр Аида Исмаилова өкмөттүк онлайн-брифингде билдирди.
Анын айтымы боюнча, дарыгерлердин коронавирусту жуктуруп алуу фактысы боюнча текшерүү иштери жүргүзүлүүдө.
“Белгилүү болгондой, саламаттыкты сактоо мекемелеринин биринде бардык дарыгерлер коронавирусту жуктуруп алышкан. Эпидемиологдор анализ жүргүзүп, өз корутундуларын беришет” – деп билдирди Аида Исмаилова.
Дарыгерлердин коронавирусту жуктуруп алуу фактысын иликтеген атайын комиссия иштеп жатканын, бүгүнкү күндө алар Ошто иштеп келгенин кошумчалады.
Булак: KyrgyzToday.kg
Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.
КОММЕНТАРИЙ КАЛТЫРУУ